അറിയപ്പെടുന്ന ഇന്ത്യൻ അഭിനേത്രിയാണ് സുചിത്ര മുരളി. 1990-ലെ നമ്പർ.20 മദ്രാസ് മെയിൽ എന്ന ചിത്രത്തിലൂടെയാണ് താരം അഭിനയം ആരംഭിക്കുന്നത്. കൂടുതലും മലയാളം സിനിമകളിലും തമിഴിലെ ഏതാനും സിനിമകളിലും താരം ഇതിനോടകം പ്രത്യക്ഷപ്പെടുകയും വളരെ പെട്ടന്ന് ഒരുപാട് ആരാധകരെ നേടുകയും ചെയ്തു. 14-ആം വയസ്സിൽ തന്നെ നായികയായി അരങ്ങേറ്റം കുറിച്ച തരമായത് കൊണ്ട് ഇന്നും താരത്തിന് ആരാധകരേറെയാണ്.
നടി , അഡ്മിനിസ്ട്രേറ്റർ , നർത്തകി, ടെലിവിഷൻ അവതാരക എന്നീ നിലകളിലെല്ലാം താരം 1990മുതൽ 2003വരെ സജീവമായിരുന്നു. 2002 മാർച്ചിൽ മുരളിയുമായുള്ള വിവാഹത്തിന് ശേഷം താരം സിനിമ അഭിനയം ഉപേക്ഷിക്കുകയാണ് ചെയ്തത്. ദമ്പതികൾക്ക് ഒരു മകളുണ്ട്. യുഎസിൽ സ്ഥിരതാമസമാക്കിയ താരം ഇപ്പോൾ “നാട്യ ഗ്രഹ ഡാൻസ് അക്കാദമി” എന്ന പേരിൽ ഒരു ഡാൻസ് സ്കൂൾ ആരംഭിച്ചിരിക്കുകയാണ്.
നമ്പർ 20 മദ്രാസ് മെയിൽ എന്ന സിനിമയിൽ നായികയായി തിരഞ്ഞെടുക്കപ്പെട്ടതു കൊണ്ട് വളരെ മികച്ച രൂപത്തിൽ അഭിനയിച്ചത് കൊണ്ടും വളരെ ചെറുപ്പത്തിൽ തന്നെ താരം മുഖ്യധാരാ നടിയായി മാറിയിട്ടുണ്ട്. താരം തൊണ്ണൂറുകളിൽ മലയാളത്തിൽ മമ്മൂട്ടി , മോഹൻലാൽ , മുകേഷ് , ജഗദീഷ് , സിദ്ദിഖ് തുടങ്ങിയ നായകന്മാർക്കൊപ്പം നിരവധി ചിത്രങ്ങൾ ചെയ്യുകയും നിറഞ്ഞ കയ്യടി സ്വീകരിക്കുകയും ചെയ്തു. തൊണ്ണൂറുകളിലെ ഏറ്റവും സുന്ദരിയായ നടിമാരിൽ ഒരാളായി താരത്തെ കണക്കാക്കപ്പെട്ടിരുന്നു.
പതിനാലാം വയസ്സിൽ തുടങ്ങി 26-ആം വയസ്സിൽ സിനിമ വിടുമ്പോൾ 38 സിനിമകളിൽ താരം അഭിനയിച്ചിരുന്നു. മലയാളത്തിനു പുറമെ ഒരുപിടി തമിഴ് ചിത്രങ്ങളിലും താരം അഭിനയിച്ചു. കാർത്തിക് , ഭാനുപ്രിയ എന്നിവർക്കൊപ്പം 1991-ൽ പുറത്തിറങ്ങിയ ഗോപുര വാസലിലേ താരത്തിന്റെ ഏറ്റവും ജനപ്രിയമായ തമിഴ് സിനിമയായിരുന്നു.
ഏഷ്യാനെറ്റിലെ ജനപ്രിയ റിയാലിറ്റി ഷോകളായ ഐഡിയ സ്റ്റാർ സിംഗർ , വോഡഫോൺ കോമഡി സ്റ്റാർസ് എന്നിവയുടെ എപ്പിസോഡുകളിലും അടുത്തിടെ താരത്തെ ഒരു സെലിബ്രിറ്റി ജഡ്ജിയായി കാണപ്പെട്ടിരുന്നു. 1997-ൽ ബാംഗ്ലൂരിൽ നടന്ന “മിസ് വേൾഡ് മത്സരത്തിൽ” കേരളത്തെ പ്രതിനിധീകരിച്ചതും താരമാണ്
പരിശീലനം നേടിയ ഇന്ത്യൻ ക്ലാസിക്കൽ നർത്തകി കൂടിയാണ് താരം . ഭരതനാട്യം , മോഹിനിയാട്ടം , കുച്ചിപ്പുടി എന്നിവയിൽ ഗുരു മൈഥിലിയിൽ നിന്ന് പരിശീലനം നേടുകയും ചെയ്തിട്ടുണ്ട്. ഇപ്പോൾ യൂ എസിൽ ഡാൻസ് സ്കൂൾ നടത്തുന്ന താരം സോഷ്യൽ മീഡിയയിൽ സജീവമാണ്. ഇഷ്ട ഫോട്ടോകളും വിശേഷങ്ങളും താരം നിരന്തരം പങ്കുവെക്കാറുണ്ട്. . ഇപ്പോൾ താരം സ്റ്റൈലീഷ് ലുക്കിൽ പ്രത്യക്ഷപ്പെട്ട് പങ്കുവെച്ച ഫോട്ടോകൾ വളരെ പെട്ടന്ന് തന്നെ ആരാധകർ ഏറ്റെടുത്തിരിക്കുകയാണ്.
